Saizarbitoria ez naizen arren...

Bizitza egunero hasten dela badakidalako,
Bizi, naiz egunero.


Izena izana delako eta ni orain eta hemen nere identite berria ezarri eta eraiki dudalako.
Nere laneko e-mail helbidea egin behar j zidatela eta, ia bigarren abizena erabili nezakeen galdegin nuen, eta ezetza eman zidaten. Itxaron nuen, eta dagoeneko hala bidali dute New Yorkeko bulegotik.


Bizi naiz egunero.

Arriskutsua ere badela badakidalako.
Gaur segurtasun kurtsoekin hasi naiz.
Oinarrizko segurtasun kurtsoa egin behar dot, gero aurreratua eta bukatzeko "akoso eta abusoa" lanean izenekoa.
Alor psikologiakoak ere jorrratzen dira, estresa adibidez...
Ta azaroan 13an "Inteligencia Emocional" kurtsoa dakagu bulegoan.

Bizitza egunero hasten delako,
Bizi naiz egunero.

Mundua egin eta desegin gabiz.
Bizitzak ere bira ugari eman ohi eta ei ditu.
Atzo nahi nuen etxea ez dot gehio nahi eta orain amueblatutako bat aurkitu dugu, eta hilabetean 50 dolar gutxiago ordainduz.

Bizitza egunero hasten delako,
Bizi naiz egunero.

Eta zer esan nere bihotzaz.
Geldirik, pozik, triste, nahasturik, ilusioz beteta, janari ezberdinek eragiten dioten taupada ezberdinez mugitzen dena.
Hor dabil bera ere,
egunero esnatuz, inoiz ez lokartuz....

Ta Saizarbitoria ez naizen arren,
bizitza egunero hasten delako badakidalako,
bizi naiz egunero.

Joan zen urtean bulegora Shakira etorri zela jakin dot gaur,
Shakira, shakira, se baila así.....
Eta aurten badirudielako beste norbait etorriko delako,
zuek ere etor zaitezten gura neukelako,
faltan botatzen zaituztedalako,
maite zaituztedalako,
(zuri be Ekhi, oraindik hor barruan zaudela be)
nere parte zaretelako.


Ta Saizarbitoria ez naizen arren,
bizitza egunero hasten dela badakidalako
bizi naiz egunero.